خذ الواد وسير بالدرجة

خذ الواد وسير بالدرجة في البطام تصيب جمع قباب

هذوك الصلاح مهاجة زور الروضة وانشد لقطاب

قول لهم مرسول بالحاجة انا جيت جايب كتاب

من عند اللي راه يتلاجى صفى اللي منفي بلا طلاب

احضر للوعدة وازور اهل البرهان وشرف مهاجة بانجلي

مرة نجالس شي عقال ونقول ذا الاول خير من التالي

مرة نتفكر يالمثالة ويثور جرح المحنة ويربى لي

من بعد ما كنت عزيز في حالة ماني باخس بسومتي غالي

شاني مع الطلبة شعت بمسالة ونامر الجن وعلاش يهوالي

كنت قاضي عندي العدالة ونفك بين الشراع بفصالي

اهلي وناسي في الشوم رجالة اشحال من فج تركوه خالي

يا حصراه كنت بقومي وخيالة وفعلت كي نجع سويد بامجالي

خوذات بالعشق حنان هبالة بعطور واروايح مسك وغوالي

قهوة وكرسي والناس متقابلة والشراب بعد يايمرار احلالي

شكرا على هذا الشعر الجميل

شكرا على الكلم الجميل

بارك الله فيك

السلام عليكم
ربنا يخليك يا غريب